Plantun de Prouvènço

Pèr coumpara dos planto d'encò nostre

Juncus striatus & Fissidens dubius

Juncus striatus

Juncaceae

Nom en français : Jonc strié.

Descripcioun :
Lou jounc-rega trachis en ribo de ribiero, dins li mueio e li pelouso bagnado. Fai un pau pensa au jounc-nousa, Juncus articulatus, subretout la meno emé de gròssi tèsto. Pamens se recounèis à si cambo e fueio regado (fotò), si tepalo e soun boursèu mai lounginèu, e peréu si grano pu longo e mens plato.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 4 mm
Flourido : Printèms - Estiéu

Sòu : Si (Ca)
Autour basso e auto : 0 à 400 m
Aparado : Noun
Mai à avoust

Liò : Ribiero - Mueio - Pelouso bagnado
Estànci : Termoumediterran à Subremediterran
Couroulougi : Mediterranenco-Atlantico
Ref. sc. : Juncus striatus Schousb. ex E.Mey., 1822

Mousso-divisado-doutouso

Fissidens dubius

Fissidentaceae

Nom en français : Fissident crête-de-coq.

Descripcioun :
Aquelo mousso dóu gènre Fissidens (peristome divisa, vèire li fotò) trachis sus li roco cauquiero e de cop que i'a au sòu. Es uno mousso pulèu pichoto auto de 1 à 3 cm. Fai partido dóu group qu'a ges de lòngui celulo sus lou bord de la fueio (fotò), pamens se vèi bèn uno bando de 3 à 4 cellulo pu claro. Se recounèis tambèn à sa pouncho de fueio emé un benc e que la costo s'acabo just avans lou bout (fotò). Es couneigudo pèr pas faire trop d'espouroufite, pamens sèmblo pas trop lou cas au nostre.

Usanço :
Se pòu counfoundre emé d'àutri meno dóu meme gènre subretout Fissidens taxifolius qu'a pas lou bout de fueio denta d'un biais irregulié e peréu que la costo vai fin qu'au bout dóu bènc (de vèire au microuscope).